Die schwizerischi Coop Gnosseschaft
From Wikipedia, the free encyclopedia
D Coop Gnosseschaft isch noch em Migros s zweitgrösste Schwizer Detailhandelundernähme. Es isch as Gnosseschaft mit öbbe 2,5 Millione Mitgliider organisiert.
Coop Genossenschaft | |
---|---|
Unternähmensform | Gnosseschaft |
Gründig | 1890 (VSK), 1969 (Umbenennig in «Coop») |
Sitz | Basel, Schwiz |
Leitig |
Joos Sutter |
Mitarbeiter | 75'309 (31. Dezämber 2012) |
Umsatz | 27,818 Mrd. CHF (2012) |
Branche | Handelskonzärn |
Uffdritt im Netz | www.coop.ch |
Under em Eigename bedriibt dr Coop Supermärkt, Warehüüser («Coop City»), Restaurants, Heimwärkerbedarfsgschäft («Coop Bau+Hobby»), Apotheke («Coop Vitality») und über d Dochtergsellschaft Coop Mineraloel AG Tankstelle- und Convenience-Shops («Coop Pronto»). Über e Online-Shop «coop@home» cha mä Artikel us em Coop-Sortiment mit Heimliiferig bstelle.
Zur Coop-Gruppe ghöre au no d Underhaltigselektronikchettene «Interdiscount» und «Dipl. Ing. Fust» (inkl. Discounthaus Eschenmoser AG) und dr Online-Shop microspot.ch, s Möbelhuus «Toptip», dr Belüüchtigs-Fachmärt «Lumimart», d «Import Parfumerie», d «CHRIST»-Schmuckgschäft, und sit em 1. Januar 2011 d Transgourmet-Gruppe (in dr Schwiz vo dr Prodega/Growa und Howag verdräte). Usserdèm ghörèd d schwizer Filialè vo dè Body Shop zuè Coop un firmyrèd sit dèm unter m Nammè The Body Shop Switzerland. Mit dènnè Übbernaamè chunnt dr Coop uf e Johresumsatz vo öbbe 28 Mia Franke.