Johannes III.
From Wikipedia, the free encyclopedia
Dr Johannes III. († 574) isch vum 17. Juli 561 bis zum 7. Juli (no andere Quälle 13. Juli) 574 Papscht gsii.
Är isch us ere ryche remische Familie chuu un het Catelinus ghaiße. Är isch e Suhn gsii vum Anastasius, wu dr Titel illustris drait ghaa het.
Drotz ass dr Johannes III. fascht dryzee Johr lang as Bischof vum Rom regiet het, waißt mer arg wenig iber sy Pontifikat. Um die Zyt isch d Invasion vu dr Langobarde gsii. Fascht alli Dokumänt us syre Zyt sin gschlisse wore.