Ludwig von Moos
From Wikipedia, the free encyclopedia
De Ludwig von Moos (* 31. Januar 1910 z Sachslä; † 26. November 1990 z Bärn), vo Sachsle OW, isch en Schwiizer Politiker (CVP) und Jurist gsii.
1933 isch er Gmeindsschriiber vo Sachsle worde und vo 1934 bis 1946 Mitgliid vom Sachsler Iiwoonerroot gsi, ab em 41i as Gmeindsbresidänt.
1936 isch er Ersatzmaa vom Kantonsgricht, 1943 Mitgliid und Vizibresidänt vom Obergricht worde. Vo 1941 bis 1943 isch er au Mitgliid vom Obwaldner Kantonsroot gsi.
Vo 1946 bis 1959 isch er denn Mitgliid vo der Obwaldner Kantonsregierig gsi und vo 1943 bis 1959 – uf Bundeseebeni – Mitgliid vom Ständerat.
Am 17. Dezember 1959 het en di Vereinigt Bundesversammlig in Bundesrat gwählt. Währed siinere Amtsziit isch er em Juschtiz- und Polizeidepartement vorgschtande. Zruggträte isch er am 31. Dezember 1971. De von Moos isch Bundespräsident gsii i de Jahre 1964 und 1969 und Vizepräsident i de Jahre 1963 und 1968.