Die Schwizerische Rhiihääfe
From Wikipedia, the free encyclopedia
Die Schwizerische Rhiihääfe (früener: d Rhiihäafe vo bäide Baasel) ligen em Rhii nooch in de bäide Kantöön Baasel-Stadt und Baasel-Landschaft. Die Binnehäafe si äini vo de wichdigste Dräischiibe vom Import und Export vo dr Schwiz.
Dialäkt: Baseldütsch |
D Freihäit vo dr Schiffaart uf em Rhii, wo vom aargauische Rhiifälde bis Rotterdam schiffbar isch, wird vo dr Mannheimer Akte vom 17. Oktober 1868 garantiert. Eso het d Schwiz e diräkte Zuegang zum Meer, wo völkerrächtlig garantiert isch. Sit 1992 cha mä per Schiff über e Main-Donau-Kanal au Ungarn und Südeuropa erräiche.