كاس افريقيا 2010 - African Cup of Nations 2010 - هى بطولة كاس افريقيا للامم فى كورة القدم. اتلعبت فى انجولا من 10 يناير 2010 لـ 31 يناير 2010 و لعبت فيها 16 بلد افريقى اتأهلو ليها, و انتهت بفوز كبير لمصر اللى كانت الفريق الوحيد اللى كسب كل ماتشاته من غير ما يتغلب او يتعادل فى أى ماتش و سجل منتخب مصر 15 جون و ما دخلش فيه غير جونين منهم جون حطه احمد حسن بالغلط. برز فى البطوله اسم جدو اللى دخل 5 تجوان مع انه كان لاعب بديل و اتنصب هداف البطوله. بفوز مصر بالبطوله عملت ريكورد فوز 7 مرات بالبطوله و ريكورد تانى فوز 3 مرات ورا بعض و دى ما حصلتش فى اى بطولة قارات فى العالم. اتفوق لعيبة مصر من غير منازع و اخدو جوايز احسن لاعب (احمد حسن), و أكتر هداف (جدو), و أحسن بديل (جدو), و أحسن جوين (عصام الحضرى), و أحسن روح رياضيه (احمد فتحى), و أحسن مدرب (حسن شحاته).