Aeropuertu Internacional Madre Teresa
From Wikipedia, the free encyclopedia
L'Aeropuertu Internacional Madre Teresa (n'albanés: Aeroporti Nënë Tereza) (IATA: TIA, OACI: LATI), tamién conocíu como Aeropuertu Internacional de Tirana o como Aeropuertu Internacional de Rinas, por cuenta del so allugamientu a 25 km al noroeste de Tirana, na villa de Rinas (n'albanés: Rinasi) ye l'únicu aeropuertu internacional d'Albania. L'aeropuertu foi renombráu en 2001 n'homenaxe a la Madre Teresa, quien foi descendiente d'albaneses.
Aeropuertu Internacional Madre Teresa | |
---|---|
Aeroporti Nënë Tereza | |
aeropuertu internacional, aeropuertu y aeródromu de tráficu comercial | |
Llocalización | |
País | Albania |
Condao | Condáu de Tirana |
Coordenaes | 41°24′53″N 19°43′14″E |
Altitú | 38 m |
Historia y usu | |
Orixe del nome |
Tirana Teresa de Calcuta |
Aeropuertu | |
Ciudá a la que sirve | Tirana y Tirana |
Web oficial | |
L'equipamientu del aeropuertu foi modernizáu considerablemente, tres una inversión del consorciu Tirana International Airport SHPK, que tomó'l control del aeropuertu'l 23 d'abril de 2005, en axudicándose una concesión por un periodu de venti años. El contratu de concesión contempla la construcción d'una terminal de pasaxeros dafechu nueva y diverses meyores na infraestructura, incluyendo la construcción d'una nueva ruta d'accesu. Les nueves obres van ameyorar de manera significativa los servicios ufiertaos a los pasaxeros. Sicasí, l'aeropuertu escarez de puente d'embarque que dexen a los pasaxeros embarcar y desembarcar a los aviones ensin necesidá de salir de la terminal. Con estes meyores, l'aeropuertu va tener la capacidá d'absorber el tráficu de pasaxeros d'Albania mientres los próximos 10-15 años.