Aeropuertu Internacional de Keflavík
From Wikipedia, the free encyclopedia
L'Aeropuertu Internacional de Keflavík (islandés: Keflavíkurflugvöllur) (IATA: KEF, OACI: BIKF), tamién conocíu como Aeropuertu Internacional de Reikiavik-Keflavík ye l'aeropuertu más grande d'Islandia y el principal hub pa tresporte internacional del país.
Aeropuertu Internacional de Keflavík | |
---|---|
Keflavíkurflugvöllur (is) | |
aeropuertu internacional, aeropuertu y aeródromu de tráficu comercial | |
Llocalización | |
País insular | Islandia |
Rexones | Suðurnes (es) |
Conceyu | Reykjanesbær |
Ciudá | Keflavík |
Coordenaes | 63°59′06″N 22°36′20″W |
Altitú | 52,1 m |
Historia y usu | |
Dueñu | Isavia |
Xestión | Isavia |
Orixe del nome | Keflavík |
Aeropuertu | |
Ciudá a la que sirve | Reikiavik y Keflavík |
Web oficial | |
Ta asitiáu na península de Reykjanes, a unos 50 quilómetros al sur de la capital islandesa, Reikiavik. L'aeropuertu cunta con tres pistes d'aterrizaxe, de les cuales dos tán n'usu, una de 3065 metros y la otra de 3054 metros, dambes con un anchu de 60 metros y tien una área de 25 km².
L'aeropuertu ye operáu pola empresa pública Isavia y sirve como centru de conexones principal pa l'aereollinia bandera Icelandair y l'aereollinia de baxu costu WOW Air. De normal, l'aeropuertu ta dedicáu a realizar vuelos internacionales namái La posición xeográfica d'Islandia nel mediu del Océanu Atlánticu norte dexa a les aereollinies realizar vuelos tresatlánticos ente América del Norte y Europa con una sola parada nel aeropuertu. Pel branu, l'aeropuertu ufierta vuelos nacionales programaos a Akureyri, ciudá al norte d'Islandia. Los demás vuelo de cabotaxe dientro d'Islandia realizense dende l'Aeropuertu de Reikiavik.