Carolina Marín
xugadora de bádminton española / From Wikipedia, the free encyclopedia
Carolina María Marín Martín (15 de xunu de 1993, Huelva) ye una xugadora española de bádminton que compite na categoría individual femenina, presente na llista de les 10 meyores del ranking de la BWF.[5]
Foi campeona olímpica en Rio de Janeiro 2016,[6][7] tres veces campeona mundial, nos años 2014,[8][9] 2015[10][11] y 2018,[12][13] y cuatro veces campeona d'Europa, en 2014,[14][15] 2016[16][17] 2017[18][19] y 2018.[20] Amás, llogró dos Super Series Premier, el All England y l'Abiertu de Malasia, dambos en 2015.
Foi gallardoniada col Premiu Nacional del Deporte a la meyor deportista española del añu 2014[21] y distinguida cola Medaya de Bronce de la Real Orde del Méritu Deportivu (2014) y la Medaya d'Oru de la Real Orde del Méritu Deportivu (2016).[22] N'avientu de 2016 el Palaciu de Deportes d'Huelva foi renombráu como "Palaciu de Deporte Carolina Marín" nel so honor.[23] En febreru de 2018 dióse-y la Medaya d'Andalucía.[24]