Federación Mundial de la Mocedá Democrática
From Wikipedia, the free encyclopedia
La Federación Mundial de la Mocedá Democrática (FMJD) ye una organización xuvenil reconocida pola Organización de les Naciones Xuníes (ONX) como una ONG xuvenil internacional. Foi fundada en 1945 en Londres al rematar les sos sesiones la Conferencia Mundial Xuvenil, como un ampliu movimientu internacional de mocedaes nel marcu del fin de la Segunda Guerra Mundial. Sicasí, nin bien empezó la llamada Guerra Fría, práuticamente toles organizaciones de países capitalistes retirar de la FMJD pola so asociación con partíos comunistes y socialista alliniaos cola Xunión Soviética. La so actual direición ta formada pol secretariu xeneral, que ye José Angel Maury de Toro, de la Unión de Mozos Comunistes (UJC) de Cuba; y el so presidente Nicolas Papademetriou, de la Organización Unificada de la Mocedá Democrática (EDON) de Xipre.
Federación Mundial de la Mocedá Democrática | |
---|---|
organización juvenil (es) , organización internacional y organización non gubernamental | |
Llocalización | |
Sede | Budapest |
Historia | |
Fundación | 10 payares 1945 |
Web oficial | |
Cuando se desarticuló la XRSS y el llamáu Bloque del Este ente 1989 y 1992, la FMJD entró en crisis. Apaecieron discutinios y conflictos internos sobre'l calter de la organización pola mor del vacíu de poder creáu pola desapaición del so miembru más importante, el Komsomol soviéticu. Dalgunos puxaron por una estructura más apolítica, ente qu'otros amosábense a favor d'una organización abiertamente d'izquierdas. La FMJD pudo, sicasí, sobrevivir a la crisis y ye anguaño una organización xuvenil activa que realiza actividaes regulares.
La sede mundial de la organización ta allugada en Budapest, la capital de Hungría. El principal eventu entamáu pola FMJD ye'l Festival Mundial de la Mocedá y los Estudiantes, que la so última edición tuvo llugar na ciudá de Sochi, en Rusia, país qu'acoyó'l festival con motivu del primer centenariu de la Revolución Bolxevique de 1917.