Idioma austro-bávaru
From Wikipedia, the free encyclopedia
L'idioma bávaru o austru-bávaru (BAR, n'austru bávaru Boarisch, pronunciación: /bɔɑrɪʃ/) ye una llingua xermánica que se fala sobremanera n'Austria y Baviera. Trátase d'un grupu de variantes del altu alemán. Anque la so clasificación como llingua aparte o como dialeutu del alemán ye aldericada, el bávaru ye malo d'entender pa los falantes del alemán estándar o pa quien aprendieron l'alemán estándar como llingua estranxera. Tien una pronunciación, un vocabulariu y una gramática estremaos del alemán estándar. Por cuenta de que nun ye llingua oficial nin n'Austria nin en Baviera, nun esiste una ortografía estandarizada y, amás, ta sometíu a una fuerte influencia tantu del alemán estándar como del alemán austriacu estándar. L'austru bávaru ye faláu por unos dolce millones de persones, la gran mayoría de les cualos ye capaz d'emplegar l'alemán estándar, especialmente na llingua escrita.
Bávaru / Austru-bávaru 'Österreichisch-Boarisch' | |
---|---|
Faláu en | Alemaña Austria Italia |
Rexón | Baviera Austria Tirol del Sur |
Falantes | 12 millones |
Familia | Indoeuropea Xermánica |
Estatus oficial | |
Oficial en | Nengún país |
Reguláu por | Nun ta reguláu |
Códigos | |
ISO 639-1 | nengún |
ISO 639-2 | gem |
ISO 639-3 | bar |
Estensión del bávaru / austru-bávaru |