Llaváu de ropa
From Wikipedia, the free encyclopedia
Abogadar[1], acoladar[2], esbruyar[3] o llavar la ropa ye l'acción de llavar les prendes de vistir o otros tipos de ropa, como la ropa de cama.[4] El material que se ta llavando, o que yá se llavó, xeneralmente denómase "la tendalada"[5].
De normal, los procesos de llavadura llévense a cabu nuna sala reservada con esi envís, una habitación individual, o cámara de llavadura qu'a les cases particulares llamábase-y "el cuartu del llavaderu". Un edificiu d'apartamentos o una residencia d'estudiantes pueden tener un serviciu de llavandería compartida, una empresa independiente que se conoz como llavandería.[6]
De normal guárdase la ropa puerco nuna cesta de serviciu de llavandería au va caltenese hasta qu'heba una cantidá abonda pa enllenar la llavadora . De cutiu, siquier na mayoría de países industrializaos, enantes de poner la ropa na llavadora, sepártenla en grupos acordies coles instrucciones de llavadura que traen les prendes na etiqueta.