Partíu Comunista Francés
From Wikipedia, the free encyclopedia
El Partíu Comunista Francés (PCF, en francés: Parti communiste français) ye un partíu políticu de Francia que defende los principios del comunismu. A pesar de que'l so sofitu eleutoral menguó dende 1980, sigue siendo'l mayor partíu comunista en Francia y caltién un gran númberu de miembros (namái detrás de la UMP, el PS, magar eleutoralmente dende va delles décades quedó per debaxo d'otros partíos y coaliciones y non en tercer llugar), según una considerable influencia na política francesa.[ensin referencies]
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Partíu Comunista Francés | |
---|---|
partíu políticu y Partíu Comunista | |
Llocalización | |
Sede | Sede del Partido Comunista Francés (es) |
Direición | Francia |
Historia | |
Fundación | avientu 1920 |
Organigrama | |
Presidente | Fabien Roussel |
Participación empresarial | |
Propietariu de | |
Forma parte de |
ver
|
Web oficial | |
A nivel européu, ta integráu nel grupu de la Izquierda Europea. Dende la so participación nel gobiernu de François Mitterrand, sicasí, dacuando ye consideráu pola izquierda como un partíu reformista, especialmente teniendo en cuenta que Robert Hue, unu de los sos antiguos presidentes sofita los movimientos de globalización alternativa, anque dacuando puede criticalos tamién (en particular, la so supuesta falta d'organización)[ensin referencies]. Arriendes de la baxa respuesta eleutoral llograda nes eleiciones llexislatives de 2007, el partíu nun pudo, per primer vegada mientres la V República, llograr el nivel mínimu de 20 diputaos col fin de formar un grupu parllamentariu propiu. De magar, el PCF alióse con Los Verdes y otros diputaos d'izquierda pa poder formar un Grupu Parllamentariu propiu a la izquierda del Partíu Socialista, llamáu en francés «Gauche démocrate et républicaine» ("Izquierda Demócrata y Republicana"). Agora, el PCF forma un Grupu Parllamentariu col Partíu d'Izquierda, la Federación pa una Alternativa Social y Ecolóxico, y dellos partíos socialista y comunista de Francia d'ultramar.