Reló d'agua
aparatu pa midir el tiempu sofitáu no que tarda un líquidu en pasar d'un recipiente a otru per un pasu perestrechu / From Wikipedia, the free encyclopedia
Reconózse-y como clepsidra[1] (κλεψύδρα), del griegu κλέπτειν kléptein (robar) y ὕδωρ hydōr (agua), o reló d'agua[2] a cualquier mecanismu pa midir el tiempu por aciu el fluxu reguláu d'un líquidu escontra o dende un recipiente graduáu, dando asina dos tipos distintos de relós según la direición del fluxu.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Les clepsidres daten de l'antigüedá exipcia (mrḫyt) y usábense especialmente mientres la nueche, cuando los reloj de sol perdíen la so utilidá. Los primeros relós d'agua consistíen nuna vasía de cerámica que contenía agua hasta ciertu nivel, con un furu na base d'un tamañu fayadizu p'asegurar la salida del líquidu a una velocidá determinada y, poro, nun tiempu prefijado. El recipiente disponía nel so interior de delles marques, de tal manera que'l nivel d'agua indicaba los distintos periodos, tanto diurnos como nocherniegos.
Los relós d'agua tamién s'usaron polos atenienses pa señalar el tiempu asignáu a los oradores. Más tarde fueron introducíos col mesmu fin nos tribunales de Roma y amás usábense nes campañes militares pa señalar les guardias nocherniegues. El reló d'agua exipcio, más o menos modificáu, siguió siendo'l preséu más eficiente pa midir el tiempu mientres munchos sieglos.