Sebastián Abreu
futbolista uruguayu / From Wikipedia, the free encyclopedia
Washington Sebastián Abreu Gallo (17 d'ochobre de 1976, Minas) ye un futbolista uruguayu que xuega de delanteru y anguaño en Magallanes.
Debutó en 1994 en Defensor Sporting. Actuó con muncho ésitu pasando por distintos clubes dende dalgunos de los más importantes del fútbol mundial como'l Club Nacional de Football, River Plate, Grêmio o América de Méxicu o Botafogo llegando a ganar dellos títulos y realizando campañes destacaes, hasta clubes qu'engarraron la permanencia o l'ascensu en distintes lligues como Bangu, Central Español, Deportivo de La Coruña pasando por clubes en lligues alternatives con proyeutos deportivos ambiciosos como Tecos de la UAG, Dorados de Sinaloa, Monterrey, San Luis o Tigres, llogrando ser goliador de dellos equipos y de dellos torneos. Los sos variaos percorríos por distintos clubes a lo llargo de la so carrera deportiva resultáron-y nel llogru del récor guinness como'l xugador que xugó en más clubes de forma profesional (26 equipos distintos) al superar al alemán Lutz Pfannenstiel, tres el so fichaxe n'Audax italianu de Chile en avientu de 2017.[3]
Amás, Abreu xugó 70 partíos y anotó 26 goles cola seleición uruguaya, destacando les sos participaciones nos Mundial de 2002 y 2010, y na Copa América 2011, que ganó.