Shaanxi
From Wikipedia, the free encyclopedia
Shaanxi, lléase Shaán-Sigo (chinu simplificáu: 陕西, chinu tradicional: 陝西, pinyin: Shǎnxī?, trescripción antigua: Shensi, lliteralmente «Pasu de los montes occidentales»), ye una de les ventidós provincies que, xunto coles cinco rexones autónomes, cuatro conceyos y dos rexones alministratives especiales, conformen la República Popular China. La so capital ye Xi'an, entamu y final de les caravanes de la Ruta de la Seda, y famosa por allugar los Guerreros de terracota.
Shaanxi | |
---|---|
y | |
Alministración | |
ISO 3166-2 | CN-SN |
Tipu d'entidá | provincies de China |
Capital | Xi'an |
Governor of Shaanxi (en) | Liu Guozhong |
Nome oficial | 陕西省 (zh-cn) |
Nome llocal | 陕西 (zh) |
División |
ver
|
Xeografía | |
Coordenaes | 34°16′00″N 108°54′00″E |
Superficie | 205800 km² |
Llenda con | Shanxi, Henán, Hubei, Chongqing, Sichuan, Gansu, Ningxia y Mongolia Interior |
Puntu más altu | Monte Taibai (es) |
Demografía | |
Población | 39 528 999 hab. (2020) |
Densidá | 192,07 hab/km² |
Más información | |
Estaya horaria | UTC+08:00 |
shaanxi.gov.cn | |
Embrivíu: 陕 o 秦 ; (pinyin: Shǎn o Qín) | |
陕
shǎn - Shanzhou (anguaño Distritu de Shan, Henan) 西 xī - oeste "Al oeste de Shanzhou" |
Ta allugada al oeste de la rexón China del Nordeste, llindando al norte con Mongolia Interior, al este col ríu Mariellu que la dixebra de Shanxi, y con Henan, al sureste con Hubei, al sur con Chongqing y Sichuan, al oeste con Gansu y al noroeste con Ningxia. Tien una estensión de 205 000 quilómetros cuadraos y una población de casi 36 millones d'habitantes (2003).
Amás de la capital, otres ciudaes destacaes son Huashan y Zhenan.
Según les regles del sistema de trescripción fonética oficial en China, el pinyin, si nun s'escriben los acentos ortográficos correspondientes a los tonos, tantu "Shaanxi" como la vecina provincia de "Shanxi" escríbense igual: "Shanxi", una y bones la diferencia ta precisamente nel tonu: Shǎnxī y Shānxī, respeutivamente. Pa evitar tracamundios cuando nun s'escriben los tonos, conviénose escribir la provincia que nos ocupa como "Shaanxi", dexando la escritura "Shanxi" pa la so vecina oriental.