Sostenibilidá
From Wikipedia, the free encyclopedia
N'ecoloxía, sostenibilidá describe cómo nos sistemes biolóxicos se caltién l'equilibriu d'una especie colos recursos de la redolada. Por estensión, aplícase a la esplotación d'un recursu per debaxo de la llende de renovación d'estos.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Dende la perspeutiva de la prosperidá humana y según l'Informe Brundtland de 1987, la sostenibilidá consiste en satisfacer les necesidaes de l'actual xeneración ensin sacrificar la capacidá de xeneraciones futures de satisfacer les sos propies necesidaes.
La sostenibilidá ye un procesu socio-ecolóxicu carauterizáu pola busca de soluciones futures baxo un ideal común.[1] Un ideal ye un estáu o procesu inalcanzable nun tiempu y espaciu daos pero infinitamente aproximable y ye esti aproximamientu continuu ya infinitu'l qu'inyecta sostenibilidá nel procesu. Solo los ideales sirven de referentes nun ambiente cambiable (Ibid). Ye un términu añadíu a l'aición del home en rellación a la so redolada, refierse al equilibriu qu'esiste nuna especie basándose na so redolada y tolos factores o recursos que tien pa facer posible'l funcionamientu de toles sos partes, ensin necesidá d'estropiar o sacrificar les capacidaes d'otru entornu.[2] Per otra parte, sostenibilidá en términos d'oxetivos, significa satisfacer les necesidaes de les xeneraciones actuales, pero ensin afectar la capacidá de les futures, y en términos operacionales, promover el progresu económicu y social respetando los ecosistemes naturales y la calidá del mediu ambiente.[3]