Terremotu d'Haití de 2010
From Wikipedia, the free encyclopedia
El terremotu d'Haití de 2010 foi rexistráu'l martes 12 de xineru de 2010 a les 16:53:09 hora llocal (21:53:09 UTC) con epicentru a 15 km de Puertu Príncipe, la capital d'Haití. Según el Serviciu Xeolóxicu d'Estaos Xuníos, el seísmu tuvo una magnitú de 7,3 Mw y xeneróse a una fondura de 12 quilómetros.[1] Tamién se rexistraron una serie de retruques, siendo les más fuertes les de 5,9, 5,5 y 5,1. La NOAA refugó'l peligru de tsunami na zona.[2] Anque hores dempués, reportóse qu'un Tsunami de mínimes proporciones rexistróse y mató a 4 persones. Esti terremotu foi'l más fuerte rexistráu na zona dende'l socedíu en 1770. El seísmu foi perceptible en países cercanos como Cuba, Xamaica y República Dominicana, onde provocó medrana y evacuaciones preventives.
Terremotu d'Haití de 2010 | |
---|---|
Xeneral | |
Tipu | terremotu |
País | Haití |
Fecha | 12 de xineru de 2010 |
Coordenaes | 18°27′05″N 72°26′43″W |
Otros datos | |
Magnitú na escla Richter | 7 |
Los efeutos causaos sobre esti país, el más probe d'América nesi momentu,[3] fueron devastadores. Los cuerpos recuperaos al 25 de xineru superaben los 150 000, calculándose que'l númberu de muertos entepasaría los 200 000.[4][5] Los datos definitivos de los afeutaos fueron daos a conocer pol primer ministru Jean-Max Bellerive nel primer aniversariu del seísmu, el 12 de xineru de 2011, conociéndose que nel seísmu finaron 316 000 persones, 350 000 más quedaron mancaes, y más de 1,5 millones de persones quedar ensin llar,[6] colo cual, ye una de les catástrofes humanes más graves de la hestoria.[7]