Jaklin Kennedinin çəhrayı Chanel kostyumu
From Wikipedia, the free encyclopedia
Jaklin Buvye Kennedinin çəhrayı Chanel kostyumu (ing. Pink Chanel suit of Jacqueline Bouvier Kennedy) — Jaklin Kennedinin əri prezident Con Kennedi 22 noyabr 1963-cü ildə Dallasda, Texasda sui-qəsd nəticəsində öldürüldükdə geyindiyi çəhrayı kostyum.[1][2] O, həmin gün günorta yeni prezident Lindon Consonun and içməsi zamanı və Vaşinqtona qayıdarkən onun qanına boyanmış kostyumu geyinməkdə israr etmişdi. Jaklin Kennedi dəb ikonası idi və bu kostyumun onun geyim əşyaları arasından ən çox istinad ediləni olduğunu demək olar.[3][4]