Fuaßboi-Regionoiliga Bayern 2012/13
From Wikipedia, the free encyclopedia
De Saison 2012/13 vo da Regionoiliga Bayern war de easchte Spejzeit vo dera und de fimfte Spejzeit da Regionoiliga ois viarthechsde Spejklass in Deitschland. 2011 hod da DFB in a Ligenreform de damois drei Staffen da Regionoiliga obgschofft und fimf Regionoiligen eigfiart, de je vo an Verbond trong wern. Domit gibts seid da Saison 2012/13 fimf gleichrangige Regionoiligen, drunter de Regionoiliga Bayern, und koane Staffen mehr. Jäde Mannschoft ghert domit in de Regionoiliga, in deren Vebrons sie ghert. So sand zum End vo da Saiso 2011/12 de Viktoria aus Aschaffenburg vom Hessichen Verbond und da FV Illertissen vom wirttembergischen Verbond noch Bayern gwechslt um iatzad in da Regionoiliga Bayern spejn zu kina. Träger vo da Regionoiliga Bayern is da Boarische Fuaßboiverband worn und nimma da DFB. Mit de Reform kriangs iatzad owa a koane Fernsehgeida mehr in da Regionoiliga.
Regionoiliga Bayern 2012/13 | |
Herbstmoaster | FV Illertissen |
Moaster | TSV 1860 Minga II |
DFB-Pokal | FV Illertissen |
Relegation ↑ | TSV 1860 Minga II |
Relegation ↓ | FC Augchsburg II, SpVgg Bayern Hof |
Absteiger | SC Eltersdorf, FC Ismaning, VfL Frohnlach |
Mannschaftn | 20 |
Spuia | 380 |
Tor | 1.102 (ø 2,9 pro Spiel) |
Zuaschauer | 189.601[1] (ø 638 pro Spiel) |
Torschitzenkini | Andreas Neumayer (SV Heimstetten; 24 Tore) |
← Regionoiliga 2011/12 | |
↑ 3. Liga 2012/13 Bayernliga 2012/13 ↓ |
Mit da Eifiarung vo da Regionoiliga Bayern zua Saiso 2012/23 is de Bayernliga in zwoa Staffen Nord und Siad aufteilt worn, de noch regionoien Gsichtspunktn eiteilt wern.
Moaster 2012/13 is de Zwoate vo de Sechzga mid 80 Punktn und siem Punktn Vorsprung auf de kloana Bayern worn. Inoffiziejer Herbstmoaster is da FV Illertissen worn. De kloan Sechzger hom se durch n Moastertite fia de Aufstiegsspeja zua 3. Liga qualifiziad, hom se do owa ned gega den Siadwest-Moasta SV Elversberg durchsetza kina, so das a in da nechsten Saiso wiada in da Regionoiliga spejn.
Boarischer Amatärmoaster is da FV Illertissen worn, wei er de easchte ned zwoate Mannschaft vo am Profivarein in da Liga war. Drum deaf er iatz a in da Saiso 2013/14 beim DFB-Pokoi mitspejn und trifft do auf Eintracht Frankfurt.
Obsteing hom in dera Saison da SC Eltersdorf, da FC Ismaning und da VfL Frohnlach miassn. In d Obstiegsrelegation hom de Zwoate vom FC Augschburg und de SpVgg Bayern Hof miassn, de owa beide an Klassendahoit gschafft hom.
Aus da Bayernliga sand da 1. FC Schweinfurt 05 ois Moaster vo da Staffe Nord und da SV Schoiding-Heining aus Moasta ausm Siaden aufgsting. De Zwoaten vo da jeweilign Staffe TSV Großbardorf und BC Oacha sand in da Aufstiegsrelgation gscheitert.
Spejort vo da Regionoiliga Bayern 2012/13 |