Другая халодная вайна
From Wikipedia, the free encyclopedia
Друга́я хало́дная вайна́[1] (Новая халодная вайна[2][3][4][5], Халодная вайна-2[6], Халодная вайна 2.0[7]) — стан палітычнага, эканамічнага і вайсковага супрацьстаяньня між геапалітычнымі блёкамі НАТО, ЗША[8][3] і Эўразьвязам[4][7] з аднаго боку і Расеяй[9][6] і Кітаем[10] зь іншага ў ХХІ стагодзьдзі.
Тэрмін адсылае да Халоднай вайны ў XX стагодзьдзі між Заходнім сьветам на чале з Злучанымі Штатамі Амэрыкі і блёкам сацыялістычных дзяржаваў на чале з Савецкім Саюзам. На думку асобных палітолягаў, другая халодная вайна ўжо распачалася[11][1][5][9], іншыя лічаць, што гэты тэрмін пакуль што нельга прымяняць да цяперашняга стану рэчаў[12][2][7]. Адной з адметных характарыстык «новай халоднай вайны» ёсьць пераважна змаганьне праз сродкі масавай інфармацыі[13].