Прарасейскія хваляваньні ва Ўкраіне (2014)
From Wikipedia, the free encyclopedia
Прарасе́йскія хвалява́ньні ва Ўкраі́не ў 2014 годзе (укр. проросійські заворушення в Україні в 2014 році) — дэманстрацыі прарасейскіх і антыўрадавых групаў, якія адбыліся ў буйных гарадох па ўсіх паўднёва-ўсходніх рэгіёнах Украіны з канца лютага 2014 году ў сувязі з наступствамі Эўрамайдану. Розныя расейскія СМІ выкарыстоўваюць тэрмін «Расейская вясна» (рас. русская весна) у мэтах апісаньня хвалі дэманстрацыяў.
Пратэсты перарасьлі ва ўзброены сэпаратысцкі бунт пад кіраўніцтвам расейскіх выведнікаў з Масквы, якія дагэтуль бралі ўдзел у анэксіі Крыму і ўварваньні 2008 г. у Грузію[1]. 28 красавіка Служба бясьпекі Ўкраіны ўстанавіла, што завадатарам бунтаўнікоў ёсьць палкоўнік Галоўнай выведвальнай управы Расеі Ігар Гіркін зь мянушкай Стралкоў (або Стралок), які 26 лютага прыляцеў ва Ўкраіну з Масквы[2].