József Eötvös
From Wikipedia, the free encyclopedia
József Eötvös de Vásárosnaményko baroia (Buda, 1813ko irailaren 3a - ibidem, 1871ko otsailaren 2a) idazle eta politikari hungariarra izan zen. Kartusiarra izeneko liburua (1838-1841), 1830. urteaz geroko Frantziako egoera deskribatzen duena, idatzi izanak ospe handia ekarri zion. Herriko notarioa (1844-1846), Hungariako nekazari-giroa erakusten duen liburua, eta 1514ko Hungaria (1847), Dózsaren nekazarien matxinada kontatzen duen obra, errealismo kritikoaren aitzindaritzat hartu izan dira. 1848an, Herri Hezkuntzako ministro izan zen Hungariako lehen gobernuan. Hungariak Austriarekiko lotura hautsi zuenean (1848), Munichera erretiratu zen 1850a arte. 1861etik aurrera Herri Hezkuntzako ministro izan zen berriro.
Datu azkarrak Minister of Education and Religious Affairs of Hungary (en), 3. president of the Hungarian Academy of Sciences (en) ...
Itxi