Lansana Konte
From Wikipedia, the free encyclopedia
Lansana Konte O jibinaa heedde 1934 e hoɗo no wi'ee Buraamayaa (woɓɓe no wi'a ko Lummbayaa) e nder diiwal Dobirikaa, leydi daande baharu ndin. Ko ɗon o janngi e duɗal Alqur'aana o naati kadi lekkol kono no sikkaa o feƴƴaali duɗal aranal ngal. Ɓaawo ɗum Lansana Konte yahri e lekkolji ekkitorɗi miniteeriyaagal Bingerville (Koddiwaar) e Sen-Luwii (Senegal).
Jinsu | damngel |
---|---|
Ɓii-leydiyankaaku | Gine |
Innde | Lansana |
Family name | Conte |
Ɗuubi daygo | 30 Jolal 1934 |
Ɗoforde | Dubréka |
Date of death | 22 Bowte 2008 |
Place of death | Konaakiri |
Place of burial | Lansanya |
Dee/goriiwo | Henriette Conté, Kadiatou Seth Conté, Hadja Asmaou Baldé Conté |
Marude | Ousmane Conté |
Wolde | Faransinkoore |
Sana'aji | ngaɗoowo siyaasaje, military personnel, resistance fighter |
Position held | President of Guinea |
Member of political party | Unity and Progress Party |
Diina | Diina Lislaama |
Military rank | general |
Conflict | Algerian War |
Military branch | French Army |
Significant event | Panama Papers |
E hitaande 1955 o naati ka larme Faransi o nawraa Aljeri fewndo konu wonande hettaare ndin leydi e hitaande 1957. Caggal ɗum Konte hooti Gine, tawi leydi ndin heɓtii hoore mum e kolonaaku Faransi nyannde 2 uktuubar (yarkomaa) 1958. O naati e nder larme Gine on o wallitii semmbingol mo. Ɓaawo miniteeriiɓe Portokeesiiɓe e dartiiɓe laamu Gineyankeeɓe yanii e leydi ndin nyannde 22 nuwambar (jolal) 1970 e dow anniyee liɓugol laamu hooreejo-leydi on Seeku Tuuree, Konte hino tawanoo e wallitiiɓe danndugol leydi ndin. Ko ɗum waɗi o ɓeydanaa garaadu o waɗaa kapiten 1971. E hitaande 1973 Konte waɗaa kumaandan diiwal Boke ngal, takkiingal Gine-Bisaawo, leydi laatinoondi on tuma no haɓee fii sortugol hoore mum e kolonaaku Portokeesi'en, tawi kadi Gine no tammbitii fedde PAIGC, laatinoonde hino ardii ngon cippiro.