Fumut
From Wikipedia, the free encyclopedia
Il fumut al è un mût di contâ des storiis doprant une schirie di disegnuts cun adun dai tescj e dai dialics scrits in suazis a forme di nûl o di balon che a jessin de bocje dai personaçs. I fumuts a son stâts doprâts al inizi soredut come forme di narative infantîl e popolâr, e nome in un secont timp si son tacâts a fâ fumuts di un nivel artistic plui alt.