Hartochdom Bretanje
From Wikipedia, the free encyclopedia
It Hartochdom Bretanje (Frânsk: Duché de Bretagne; Bretonsk Dugelezh Breizh) wie in ûnôfhinklik, soeverein lân yn Noardwest-Jeropa, dat bestie fan 939 oant 1532. It besloech it skiereilân Bretanje en waard regearre troch de hartoggen fan Bretanje, dy't behindich tusken de klippen troch lavearje moasten om 'e selsstannigens fan harren lân te behâlden. Under de Hûndertjierrige Oarloch tusken it Keninkryk Frankryk en it Keninkryk Ingelân sleat it hartochdom dêrom no ris in bûnsgenoatskip mei de iene kant, en dan wer mei de oare kant. Nei't dat konflikt mids fjirtjinde iuw beëinige wie, kaam Bretanje ûnder groeiende Frânske ynfloed te stean. De sitewaasje boaze yn 'e lêste helte fan 'e fyftjinde iuw sa oan dat Bretanje, doe't der nei de dea fan hartoch Frâns II yn 1488 gjin manlike erfgenamt wie, troch in houlik tusken hartoginne Anne en de Frânske kening Karel VIII yn Frânske hannen foel. Nei it ferstjerren, yn 1524, fan Anne har dochter Klaudia fan Frankryk, de lêste soevereine hartoginne fan Bretanje, waard it gebiet yn 1532 troch Frankryk anneksearre.
Hartochdom Bretanje Duché de Bretagne (Frânsk) Dugelezh Breizh (Bretonsk) | |
---|---|
939 – 1532 | |
flagge | wapen |
(hartochlike wapenbanier) (fariant, Kroaz Du, it "Swarte Krús") |
|
Latyn: Potius mori quam fœdari Frânsk: Plutôt la mort que la souillure Bretonsk: Kentoc'h mervel eget bezañ saotret ("Leaver dea as earferlies") | |
geografyske lokaasje | |
polityk | |
haadstêd | Rennes, letter Nantes |
offisjele taal | Latyn (oant de 13e iuw) Frânsk (fan 'e 13e iuw ôf) |
steatsfoarm | monargy (hartochdom) |
ûntstien út | Keninkryk Bretanje |
opgien yn | Keninkryk Frankryk |
no diel fan | Frankryk |
sifers | |
ynwennertal | < 1.000.000 (1532) |
befolkingstichtens | < 29,4 / km² |
oerflak | 34.023 km² |
bykommende ynformaasje | |
muntienheid | ferskaat |