程抱一
From Wikipedia, the free encyclopedia
程抱一 (François Cheng,1929年8月30號—),係法國好有名嗰華裔作家、詩人、書法家。
程抱一祖籍南昌,生嘚山東濟南,1948年跟到佢爺到法國定居,嘚巴黎第九大學搦到博士學位,接到又嘚巴黎第三大學東方語言文化系教書。佢用法文寫哩好多作品,包括介紹中國文化,翻譯中法兩國文學大師嗰作品,拕法國學術界褒獎為「中國跟到西方文化之間永遠不嫌累嗰撐船人」。佢嗰好多作品已經係西方學術界為到研究中國繪畫、詩歌嗰主要參考材料,佢嗰詩歌《石與樹》也拕選入《20世紀法國詩歌選》。
2002年程抱一拕選做法蘭西學院院士,法蘭西學院統共也就40隻終身院士,佢係到今吖唯一嗰亞裔院士,給佢嗰佩劍嗰欛上刻哩文天祥《正氣歌》嗰頭句「天地有正氣」。