81ª edición dos Óscar
From Wikipedia, the free encyclopedia
A 81ª edición dos Óscar, presentada pola Academia das Artes e das Ciencias Cinematográficas (AMPAS), galardoou os mellores filmes de 2008 dos Estados Unidos e celebrouse o 22 de febreiro de 2009, no Kodak Theatre no distrito de Hollywood, nos Ánxeles (California). Durante a cerimonia, a Academia das Artes e das Ciencias Cinematográficas presentou os Premios da Academia (comunmente coñecidos como Oscars) en 24 categorías. A cerimonia foi televisada nos Estados Unidos pola ABC. O actor australiano Hugh Jackman presentou a cerimonia por vez primeira.[1] O nomeado ó Oscar Laurence Mark serviu como produtor do evento, mentres que o guionista e director gañador dun Oscar Bill Condon serviu como produtor executivo.[2] A Academia agardaba revitalizar a cerimonia a través dun equipo de produción totalmente novo e un xurado gardado en segredo. A transmisión por televisión recibiu críticas xeralmente favorables.
Slumdog Millionaire gañou oito premios, o máis galardoado aquela noite, incluíndo mellor filme e mellor director (Danny Boyle). Outros gañadores foron O curioso caso de Benjamin Button con tres premios, O cabaleiro escuro e Milk con dous, e Departures, The Duchess, La Maison en Petits Cubes, Man on Wire, The Reader, Smile Pinki, Toyland, Vicky Cristina Barcelona e WALL-E gañaron un. A audiencia nos Estados Unidos acadou os 36 000 000 de espectadores.