Eurocopa de Fútbol Polonia/Ucraína 2012 - Grupo B
From Wikipedia, the free encyclopedia
O Grupo B da UEFA Euro 2012,[1] realizada conxuntamente entre Polonia e Ucraína, estivo composto por catro equipos, que se enfrontaron entre si nun total de seis encontros. Ao termo dos mesmos os dous con maior cantidade de puntos, Alemaña, único que equipo que gañou os tres partidos desta fase de grupos, e Portugal, clasificáronse á seguinte fase. Os partidos do grupo xogaronse todos en Ucraína, entre o Estadio Metalist de Khárkiv e o Arena Lviv de Lviv. Estivo considerado como o grupo máis duro do torneo.
Na última Clasificación Mundial da FIFA que viu a luz antes da celebración desta Eurocopa (6 de xuño de 2012), Alemaña ocupaba o terceiro posto, os Países Baixos o cuarto, Dinamarca o noveno e Portugal o número dez. A media do grupo correspondía ao lugar número sete, sendo con exclusión da máis baixa clasificación (Portugal), o rango medio de quinto. O equipo que ocupou o primeiro lugar, Alemaña, enfrontouse contra o segundo do Grupo A, Grecia, mentres que o que ocupou o segundo posto, Portugal, enfrontouse contra o primeiro do grupo A, a República Checa.