Fórmula 1
Deporte automovilístico / From Wikipedia, the free encyclopedia
A Fórmula 1 ou Fórmula Un, referida ás veces na escrita como F1, é un deporte automobilístico en que compiten pilotos profesionais en monoprazas open-wheel, pertencentes a diferentes escuderías, en circuítos situados por todo o mundo. Desde 1950 e cunha periodicidade anual dispútase o Campionato Mundial de Fórmula 1, composto por un número variable de eventos por tempada, chamados Grand Prix ou Grandes Premios (abreviados GP). Ao remate dun Campionato Mundial outórganse dous títulos, o Campionato Mundial de Pilotos, e o Campionato Mundial de Construtores, estando as súas clasificacións determinadas pola suma dos puntos conseguidos segundo a posición acadada ó rematar cada Grand Prix.
Tipo | automobile racing series (en) |
---|---|
Deporte | Formula One racing (en) |
Organizador | Federación Internacional do Automóbil |
Liga inferior | Fórmula 2 (pt) , Formula 3000 (en) e FIA Fórmula 2 (pt) |
Número de participantes | 20 piloto de Fórmula Un 10 Formula One team (en) |
Localización e Datas | |
Vixencia | 1950 – |
Organización | |
Director executivo | Stefano Dominicali (2021–) |
Datos estatísticos | |
Campión | Michael Schumacher (7) |
Campión | Lewis Hamilton (7) |
Campión, Construtor | Scuderia Ferrari (16) |
Outro | |
Páxina web oficial | formula1.com |
A categoría está organizada, supervisada e rexida pola Federación Internacional do Automóbil (FIA), que está presidida polo ex-director executivo da Scuderia Ferrari Jean Todt, estando os dereitos comerciais da competición en mans de Bernie Ecclestone a través dunha rede de holdings e empresas varias. Ecclestone é considerado como o principal promotor e director do deporte.
O "fórmula" do nome refírese a unha serie de normas e regulacións que tódalas escuderías deben cumprir para poderen participar, mentres que o 1 sinala que está competición é vista como a máxima categoría do automobilismo e de feito, moitas veces chámaselle "a categoría raíña".