Flavoproteína
From Wikipedia, the free encyclopedia
As flavoproteínas son proteínas que conteñen un derivado de ácido nucleico de riboflavina, que pode ser o flavín adenín dinucleótido (FAD) ou o flavín mononucleótido (FMN).
Flavoproteína | |||||||||
---|---|---|---|---|---|---|---|---|---|
a proteína de unión fmn athal3 | |||||||||
Identificadores | |||||||||
Símbolo | Flavoproteína | ||||||||
Pfam | PF02441 | ||||||||
InterPro | IPR003382 | ||||||||
SCOPe | 1e20 / SUPFAM | ||||||||
|
As flavoproteínas están implicadas nunha gran variedade de procesos biolóxicos, incluíndo a eliminación de radicais contribuíndo ao estrés oxidativo, a fotosíntese e a reparación do ADN. As flavoproteínas son unha das familias de encimas máis estudadas.
As flavoproteínas poden ter como cofactor o FMN ou o FAD, que funcionan como grupos prostéticos. A flavina está xeralmente estreitamente unida (como na adrenodoxina redutase, na que o FAD está profundamente dentro da proteína).[1] Un 5-10% das flavoproteínas teñen un FAD unido covalentemente.[2] Baseándose nos datos estruturais dispoñibles, os sitios de unión do FAD poden dividirse en máis de 200 tipos diferentes.[3]
No xenoma humano están codificadas unhas 90 flavoproteínas; un 84% utiliza FAD e un 16% FMN, e hai 5 proteína que requiren ambos.[4] As flavoproteínas están principalmente localizadas nas mitocondrias.[4] De todas as flavoproteínas, o 90% realiza reaccións redox e o outro 10% son transferases, liases, isomerases ou ligases.[5]