Mario Vargas Llosa
From Wikipedia, the free encyclopedia
Jorge Mario Pedro Vargas Llosa niko heñóikuri ára 28 jasyapy ary 1936-pe, Táva Arequipa, Peru retãme. Itúva héra Ernesto Vargas Maldonado ha isýkatu Dora Llosa Ureta, opoiva’ekue ojuehegui Mario heñoipotaite jave. Ernesto, itúva, ohejakuri Dora-pe ohayhúgui ambue kuñáme. Ombotýta jave 10 ary Mario oikuaa itúvape, ohejareiva’ekue chupe ha isýpe. Itúva, Ernesto, orekojeýkuri mokõi ta’ýra: Enrique ha Ernesto.
Mario Vargas Llosa | |
Mario Vargas Llosa | |
Téra teñõikua | Mario Vargas Llosa |
Teñõi | 28 jasyapy, ary 1936 Arequipa, Perũ |
Nacionalidad | Perũano |
Área | Purory |
Tembiapokue | Conversación en la Catedral |
Premios | Premio Nobel 2010 |
Vargas Llosa niko haihára katupyry, ojehecharamóva hetã ha ambue tetã rupi. Ha’éniko mombe'upuku apohára ha marandumyasãihára ohaíva España ñe’ẽme. Hembiapo porãitáre oñeme’ẽkuri chupe jopói hérava Principe de Asturias de las Letras (1986) ha Cervantes (1994), hetave apytépe.
Vargas Llosa herakuã mombyry ohairõguare ko’ã mombe’upuku: “Los jefes” (1959), “La ciudad y los perros” (1962), “La casa verde” (1965) ha “Conversación en la Catedral” (1969). Umi ipyahuvéva apytépe oĩ “La fiesta del chivo” (2000) ha “El paraíso en la otra esquina” (2003). Avei ohai ñoha'ãnga ha umíva apytépe oĩ: “La huida del Inca” (1952) ha pe ipahaguéva “Las mil y una noches” (2010). Ikatupyry avei ñe’ẽpoty apópe ha heta hembihai ohecha ára resa opaichagua kuatiahaipyrépe. Oĩ avei hembiapokue oñemyasãiva ta'ãngaryrýi rupive, péicha: “La ciudad y los perros”, “Pantaleón y las visitadoras” (1973) ha “La tía Julia y el escribidor” (1977).
Ary 1958 guive oikundaha Europa-re ha oikojepe España, Gran Bretaña, Suiza ha Hyãsia-pe; ha oiko jave umi tetã rupi avei oñepyrũ ohai. Are guive ombo’e heta aranduo ikatekatevévape, América ha Europa-gua. Ary 1990-pe oikékuri Peru jeporavoguasúpe, tetã ruvicharãrõ.
Ára 7 jasypa ary 2010-pe ohupyty pe jopói tuichavéva: Premio Nobel de Literatura.