Knattspyrnusamband Evrópu
From Wikipedia, the free encyclopedia
Knattspyrnusamband Evrópu (franska: Union des Associations Européennes de Football, skammstöfun: UEFA) er yfirumsjónaraðili knattspyrnu, innanhússknattspyrnu og strandfótbolta í Evrópu. Aðildarfélög sambandsins eru 55 talsins og eru flest á meginlandi Evrópu.
Skammstöfun | UEFA |
---|---|
Einkennisorð | We care about football (Okkur er annt um knattspyrnu) |
Stofnun | 15. júní 1954 (1954-06-15) (69 ára) |
Gerð | Íþróttasamtök |
Höfuðstöðvar | Nyon, Sviss |
Hnit | 46.371009°N 6.23103°A / 46.371009; 6.23103 |
Markaðsvæði | Evrópa |
Opinber tungumál | enska, franska, þýska |
Forstöðumaður | Aleksander Čeferin |
Móðurfélag | Alþjóðaknattspyrnusambandið |
Vefsíða | www.UEFA.com |
Knattspyrnusambönd í löndum sem liggja bæði í Evrópu og Asíu eru aðildarfélög í sambandinu ásamt Azerbaijan, Georgíu, Armeníu og Ísrael sem hafa öll stjórnmálaleg tengsl við Evrópu. Innan samtakana eru Færeyjar, England, Skotland, Wales og Norður-Írland allt meðlimir sem eru ekki sjálfstæð ríki. Af þeim evrópuþjóðum sem eru aðilar að Sameinuðu þjóðunum er Mónakó það eina sem er ekki aðili að UEFA.
Af sex aðildarfélögum FIFA er UEFA með bestu fjárhagstöðuna og mestu áhrifin á knattspyrnufélög. Í Englandi, Spáni, Þýskalandi, Ítalíu og Frakklandi eru knattspyrnufélög á meðal þeirra ríkustu í heiminum. Af þeim 32 sætum sem FIFA veitti fyrir heimsmeistaramót karla 2011 voru 13 veitt til aðildarfélaga UEFA og 9 af efstu 20 ríkjum FIFA eru aðildafélög sambandsins. Í kvennaflokki fékk sambandið úthlutað fimm af sextán sætum FIFA á heimsmeistarakeppnina.
Sambandið var stofnað 15. júní 1954 í Basel, Sviss. Stofnfélagar voru knattspyrnusambönd Frakklands, Ítalíu og Belgíu. Höfuðstöðvar félagsins eru í Bern. Núverandi forseti sambandsins er Slóveninn Aleksander Čeferin. Karlalandslið aðildarríkja UEFA hafa unnið 10 heimsmeistaramót FIFA og í kvennaflokki hafa landsliðin unnið þrjú heimsmeistaramót FIFA og ein gullverðlaun á Ólymíuleikunum.
UEFA, sem fulltrúi knattspyrnusamtakana, hefur átt í deilum við Evrópusambandsráðið. Á tíunda áratug 20 aldar urðu meiriháttar breytingar á sjónvarpsréttindum og alþjóðlegum viðskiptum (Bosman-dómurinn).