ლიბანის პრეზიდენტი
From Wikipedia, the free encyclopedia
ლიბანის პრეზიდენტი — თანამდებობა შეიქმნა 1926 წელს. 1943 წელს მიღებული ეროვნული პაქტის მიხედვით პრეზიდენტი უნდა აირჩიონ მარონიტი-ქრისტიანების რიგებიდან. 1943 წლამდე რამდენიმე პრეზიდენტი იყო ქრისტიანი, მაგრამ არა მარონიტი. შარლ დებასი და პეტრო ტრადი იყვნენ მართლმადიდებელი ბერძნები, ანტუან პრივა-ობუარი კათოლიკე, ხოლო აიუბ ტაბიტი - პროტესტანტი. 1943 წლის შემდეგ მუსლიმი პრეზიდენტი მხოლოდ სამჯერ იყო: სელიმ ჰოსი - 1988 წელს, ფუად სინიორა - 2007 წელს და თამამ სალამი - 2014 წელს.
ამჟამად პრეზიდენტის მოვალეობის შემსრულებელია თამამ სალამი. 2014 წლის 25 მაისის შემდეგ, პრეზიდენტ მიშელ სულეიმანის ვადის გასვლის შემდეგ ლიბანის პარლამენტმა ვერ შეძლო პრეზიდენტის არჩევა. მოვალეობას ასრულებს ქვეყნის პრემიერ-მინისტრი.