უოლ-სტრიტი
From Wikipedia, the free encyclopedia
უოლ-სტრიტი (ინგლ. Wall Street) — მომცრო ზომის ვიწრო ქუჩის სახელი მანჰეტენის ქვემო ნაწილში ქალაქ ნიუ-იორკში, რომელიც ბროდვეის ისტ-რივერის სანაპიროსთან აკავაშირებს. ითვლება ქალაქის ფინანსური რაიონის ისტორიულ ცენტრად. ქუჩის მთავარი ღირსშესანიშნაობაა ნიუ-იორკის საფონდო ბირჟა. გადატანითი მნიშვნელობით ასე უწოდებენ როგორც თავად ბირჟას, ასევე აშშ-ის მთელ საფონდო ბაზარს.
ნიუ-იორკის მსხვილი საფინანსო ინსტიტუტების უმრავლესობას საკუთარი შტაბ-ბინა უოლ-სტრიტზე უკვე აღარ აქვს. ეს ინსტიტუტები უკვე ქვემო და მიდთაუნ მანჰეტენის სხვა რაიონებში გადავიდა, ასევე კონექტიკუტისა და ნიუ-ჯერსის შტატებში. ერთ-ერთმა ბოლო საფინანსო მასტოდონტმა, რომელსაც შტატ-ბინა ამ ქუჩაზე ჰქონდა, JPMorgan Chase, საკუთარი შენობა უოლ-სტრიტის №60-ში გერმანულ ბანკს Deutsche Bank მიყიდა 2001 წლის ნოემბერში.