Colonizatio Americae Britannica
From Wikipedia, the free encyclopedia
Colonizatio Americae Britannica (colonizatione ab Anglicis et Scotis non excepta) Iacobopoli Virginiae anno 1607 coepit, et summam potestatem attigit cum coloniae per omnes Americas constitutae fuissent. Britanni erant inter tres greges maximi momenti qui Americam colonizaverunt, et eorum imperium Americanum colonias Americanas Hispanicas potestate militaribus et oeconomicis aemulari coeperunt.
Erant tria coloniarum genera in Imperio Britannico in America summa potestate saeculo duodevicensimo: coloniae diplomaticae, coloniae proprietariae, coloniae regales. Bellis Napoleonicis confectis (1803ā1815), territoria Britannica in America rectionem apertam magis magisque accipiebant. Anno 1838, Renuntiatio Rerum Americae Septentrionalis Britannicae plenam rectionem apertam Canadae concessit, sed ratio rei publicae mutandae decennium durabat. Coloniae Canadianae, cum Confoederatione Canadae, tandem autonomiam habilem acceperunt, et dominio sui gubernandi anno 1867 factae sunt. Aliae coloniae in America tardius sequebantur. Duae civitates liberae America Septentrionali, decem in regione Caribica, et una in America Australi libertatem a Britanniarum Regno sic acceperunt. Quarum omnes socii sunt Consortionis Populorum et novem sunt regna Consortionis Populorum. Octo territoria transmarina Britannica reliqua in America varios gradus autonomiae habent.