Flumen
From Wikipedia, the free encyclopedia
Flumen (-inis, n.), sive fluvius sive amnis, est aqua, plerumque dulcis, in superficie terrae inter binas ripas aut in speluncis subterraneis ad aliud corpus aquae in loco inferiori affluens, sicut in oceanum, mare, sinum, lacum, paludem, locum uliginosum, vel aliud flumen.
Vide etiam paginam discretivam: Flumen (discretiva).
Nomen fluminis a fluendo deducitur. Flumen fontem saepe habet in montibus et descendit clivos. Duo flumina, cum iungantur, confluere dicuntur. Parva flumina rivi appellantur.