Ierste Devisie 2016/17
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
2016/17 waor 't 61e sezoen vaan de Ierste Devisie. In de competitie speule 20 teams (16 traditioneel betaoldvoetbalclubs, ein semi-amateurclub en drei belofte-èlftalle) in 38 speulrundes twie kier tegenein. De regulier competitie leep vaan 5 augustus 2016 tot en mèt 5 mei 2017.[1] Nui in de Ierste Devisie waore dit jaor SC Cambuur en BV De Graafschap (gedegradeerd oet de Ieredevisie) zoewie joonk FC Utrecht (gepromoveerd oet de opgelufde Ieredevisie veur belofte-èlftalle, boe 't de lèste kampioen vaan waor). De kampioen zouw promovere nao de Ieredevisie; belofteteams waore dao evels vaan oetgeslote umtot ze neet mèt hun ierste èlftal same in dezelfde competitie mage speule. De lèste zouw dit jaor veur 't iers zeker zien vaan degradatie (nao de Twiede Devisie). Ach clubs, boe-oonder de veer periodekampioene, mochte nao aofloup um promotie goon speule; ouch hei zien belofteteams oetgeslote. 't Gief gein play-offs tege degradatie.
VVV woort op 21 aprèl, nao de 36e späölrunde, kampioen. Achilles '29 woort lèste en degradeert zoe nao de Twiede Devisie.