Арне Јакобсен
Дански архитект / From Wikipedia, the free encyclopedia
Арне Емил Јакобсен (дански: Arne Emil Jacobsen) бил дански архитект и дизајнер, претставник на данскиот модерен стил. Освен неговите архитектонски дела, создал и голем број на многу оригинални столици и останат мебел. Добил повеќе меѓународни признанија и награди.
Арне Јакобсен | |
---|---|
пред 1960 година | |
Роден(а) | 11 февруари 1902 Копенхаген, Данска |
Починал(а) | 24 март 1971 Копенхаген, Данска |
Националност | Данец |
Награди | Почесен медал на 10тото Триенале за дизајн, во Милано International Design Award, Јапонија (посмртно) |
Зданија | Белависта апартмани, Клампенборг, предградие на Копенхаген SAS Royal Hotel, Копенхаген |
Нацрти | Столица Мравка Столица Јајце |
Неговите дела се вбројуваат меѓу најзначајните во данскиот функционализам, кој настојувал, по примерот на Ле Корбизје и Валтер Гропиус, да создаде рационална и функционална архитектура. Облиците развиени од Арне Јакобсен претставуваат основа за скандинавскиот органски модернизам и неговото влијание се чувствува и денес. Денешниот скандинавски дизајн го поврзуваме со едноставни, елегантни и функционални облици направени од природни и удобни материјали - а тоа се принципите кои ги поставил токму Арне Јакобсен.