Турку
град во Финска / From Wikipedia, the free encyclopedia
Турку е значаен град во Финска, кој се наоѓа на југозападното крајбрежје на земјата, на устието на реката Аурајоки, во историската покраина и современ регион Исконска Финска, чиј главен град е токму Турку. Според пописот од 2021 година, градот Турку има 194.244 жители, следствено тој е шестиот најголем град во земјата.[1] Околината на градот Турку пак има 281.108 жители и е третото најголемо урбано подрачје во земјата, по околините на главниот град Хелсинки и на градот Тампере.[2] Градот е двојазичен бидејќи покрај финскиот, шведскиот е мајчин јазик на дел од жителите на Турку.