അറ്റലാന്റ ബി.സി.
From Wikipedia, the free encyclopedia
ഇറ്റലിയിലെ ലോംബാർഡിയിലെ ബെർഗാമോ ആസ്ഥാനമായുള്ള ഒരു പ്രൊഫഷണൽ ഫുട്ബോൾ ക്ലബ്ബാണ് അറ്റലാന്റ ബെർഗമാസ്ക കാൽസിയോ. 2010–11ൽ സീരി ബിയിൽ നിന്ന് പ്രമോഷൻ നേടിയ ക്ലബ്ബ് ഇപ്പോൾ ഇറ്റാലിയൻ ഫുട്ബോളിലെ പ്രഥമ ലീഗായ സീരി അ യിൽ കളിക്കുന്നു.
പൂർണ്ണനാമം | Atalanta Bergamasca Calcio S.p.A. | ||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
വിളിപ്പേരുകൾ | La Dea (The Goddess) Gli Orobici I Nerazzurri (The Black and Blues) | ||||||||||||||||||||||||||||||||||||||||||||||||
സ്ഥാപിതം | 17 ഒക്ടോബർ 1907; 116 വർഷങ്ങൾക്ക് മുമ്പ് (1907-10-17) | ||||||||||||||||||||||||||||||||||||||||||||||||
മൈതാനം | Gewiss Stadium (കാണികൾ: 21,300[1]) | ||||||||||||||||||||||||||||||||||||||||||||||||
President[2] | Antonio Percassi | ||||||||||||||||||||||||||||||||||||||||||||||||
Head coach | Gian Piero Gasperini | ||||||||||||||||||||||||||||||||||||||||||||||||
ലീഗ് | Serie A | ||||||||||||||||||||||||||||||||||||||||||||||||
2015–16 | Serie A, 13th | ||||||||||||||||||||||||||||||||||||||||||||||||
വെബ്സൈറ്റ് | ക്ലബ്ബിന്റെ ഹോം പേജ് | ||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||
Current season |
1907 ൽ ബെർഗമോയിലെ ലൈസിയോ ക്ലാസിക്കോ പൗലോ സർപി എന്ന ഹൈസ്കൂളിലെ വിദ്യാർത്ഥികൾ ചേർന്നാണ് അറ്റലാന്റ ക്ലബ്ബിനു രൂപംനൽകിയത്. ലാ ഡിയ, നെരാസുരി, ഒറോബിസി എന്നും ഇതിനു വിളിപ്പേരുകളുണ്ട്. നീലയും കറുപ്പും ലംബമായി വരയുള്ള ഷർട്ടുകൾ, കറുത്ത ഷോർട്ട്സ്, കറുത്ത സോക്സ് എന്നിവയടങ്ങുന്ന കിറ്റിൽ ആണ് ക്ലബ് കളിക്കുന്നത്. 21,300 സീറ്റുകളുള്ള ഗെവിസ് സ്റ്റേഡിയത്തിലാണ് ക്ലബ്ബ് ഹോം മത്സരങ്ങൾ കളിക്കുന്നത്. ഇറ്റലിയിൽ, അറ്റലാന്റയെ ചിലപ്പോൾ റെജീന ഡെല്ലെ പ്രൊവിൻഷ്യൽ (പ്രൊവിൻഷ്യൽ ക്ലബ്ബുകളുടെ രാജ്ഞി) എന്ന് വിളിക്കുന്നു. തലസ്ഥാനത്ത് അധിഷ്ഠിതമല്ലാത്ത ഇറ്റാലിയൻ ക്ലബ്ബുകളിൽ ഏറ്റവും സ്ഥിരത പുലർത്തുന്നുവെന്നതിന്റെ അടയാളമായാണ് ഇത്. സീരി അ യിൽ 60 സീസണുകളും സീരി ബി യിൽ 28 സീസണുകളും സീരി സി യിൽ ഒരു സീസണും അറ്റലാന്റ കളിച്ചു. സമീപത്തുള്ള ക്ലബ് ബ്രെസിയയാണ് അറ്റലാന്റയുടെ ചിരകാല വൈരി.
യൂറോപ്പിലെ മികച്ച ലീഗുകളിൽ കളിച്ച നിരവധി ശ്രദ്ധേയമായ പ്രതിഭകളെ സൃഷ്ടിച്ച യൂത്ത് അക്കാദമി എന്ന നിലയിലിലും അറ്റലാന്റ പ്രശസ്തമാണ്. [3]
സീരി ബി യിൽ മത്സരിക്കുമ്പോൾ 1963 ൽ കോപ്പ ഇറ്റാലിയ നേടുകയും 1988 ൽ കപ്പ് വിന്നേഴ്സ് കപ്പിന്റെ സെമി ഫൈനലിലെത്തുകയും ചെയ്തു. ഒരു പ്രധാന യുവേഫ മത്സരത്തിൽ ആദ്യ ഡിവിഷനിൽ ഉൾപ്പെടാത്ത ഒരു ക്ലബ്ബിന്റെ എക്കാലത്തെയും മികച്ച പ്രകടനമാണിത് (കാർഡിഫ് സിറ്റിക്കൊപ്പം). നാല് തവണ യുവേഫ യൂറോപ്പ ലീഗിൽ (മുമ്പ് യുവേഫ കപ്പ് എന്നറിയപ്പെട്ടിരുന്ന) മത്സരിച്ച അറ്റലാന്റ 1990–91 സീസണിൽ ക്വാർട്ടർ ഫൈനലിലെത്തി.
2018–19 സീസണിൽ സീരി അ യിൽ ക്ലബ് മൂന്നാം സ്ഥാനത്തെത്തി അതിന്റെ ഏറ്റവും മികച്ച പ്രകടനം കാഴ്ചവെക്കുകയും, ചരിത്രത്തിൽ ആദ്യമായി 2019–20 യുവേഫ ചാമ്പ്യൻസ് ലീഗിലേക്ക് യോഗ്യത നേടുകയും ചെയ്തു. അടുത്ത സീസണിലും തുടർച്ചയായ രണ്ടാം തവണ മൂന്നാം സ്ഥാനം നേടുകയും യുവേഫ ചാമ്പ്യൻസ് ലീഗിന്റെ ക്വാർട്ടർ ഫൈനലിൽ എത്തുകയും ചെയ്തു.