റോഡ് കോശങ്ങൾ
From Wikipedia, the free encyclopedia
കണ്ണിന്റെ റെറ്റിനയിലെ കുറഞ്ഞ പ്രകാശത്തിലെ കാഴ്ചയ്ക്ക് സഹായിക്കുന്ന ഫോട്ടോറിസെപ്റ്റർ കോശങ്ങളാണ് റോഡ് കോശങ്ങൾ. റോഡുകൾ സാധാരണയായി റെറ്റിനയുടെ മാക്യുലയ്ക്ക് വെളിയിൽ കേന്ദ്രീകരിച്ച് പെരിഫറൽ കാഴ്ചയിൽ സഹായിക്കുന്നു. മനുഷ്യ റെറ്റിനയിൽ ശരാശരി 92 ദശലക്ഷം റോഡ് കോശങ്ങളുണ്ട്.[1] റോഡ് കോശങ്ങൾ കോൺ കോശങ്ങളേക്കാൾ പ്രകാശത്തോട് കൂടുതൽ സെൻസിറ്റീവ് ആണ്, അതുപോലെ രാത്രി കാഴ്ചയ്ക്ക് പൂർണ്ണമായും ഉത്തരവാദികളുമാണ് ഈ കോശങ്ങൾ. എന്നാൽ, വർണ്ണ ദർശനത്തിൽ റോഡ് കോശങ്ങൾക്ക് കാര്യമായ പങ്കില്ല, മങ്ങിയ വെളിച്ചത്തിൽ നിറങ്ങൾ കൃത്യമായി കാണാൻ പറ്റാത്തതിൻ്റെ പ്രധാന കാരണം ഇതാണ്.