റ്റാബിപ്പൂച്ച
From Wikipedia, the free encyclopedia
റ്റാബി പൂച്ച എന്നത് എല്ലാ നാട്ടിൻപുറങ്ങളിലെ വീടുകളിലും കാണപ്പെടുന്ന സാധാരണയിനം വീട്ടുപൂച്ചകളാണ്. നെറ്റിയിൽ എം ആകൃതിയിലുള്ള അടയാളമാണ് ഇവയുടെ പ്രത്യേകത. "റ്റാബി" എന്നത് പൂച്ചയുടെ ഒരു ഇനമല്ല, മറിച്ച് ഒരു പ്രത്യേകതരം പൂച്ചയിനങ്ങളിലുടെ നെറ്റിയിൽ കാണപ്പെടുന്ന എം ആകൃതിയിലുള്ള ഒരു തോൽകുറികൾക്കുള്ള വിശേഷണമാണ് റ്റാബി.
ലോകമെമ്പാടുമുള്ള മിക്സഡ് ബ്രീഡ് പൂച്ചകളുടെ പൊതു ഇനസംഖ്യയിൽ ഇത് വളരെ സാധാരണമാണ്. സ്വാഭാവികമായി കാണപ്പെടുന്ന റ്റാബി പാറ്റേൺ, വളർത്തുമൃഗങ്ങളുടെ നേരിട്ടുള്ള പൂർവ്വികരുമായുള്ള അവരുടെ അടുത്ത ബന്ധത്തെ അടിസ്ഥാനമാക്കി ഉരുത്തിരിയുന്നതാണ്. ആഫ്രിക്കൻ കാട്ടുപൂച്ച (ഫെലിസ് ലൈബിക ലൈബിക) യൂറോപ്യൻ കാട്ടുപൂച്ച (ഫെലിസ സിൽവെസ്ട്രിസ്), ഏഷ്യൻ കാട്ടുപൂച്ച (ഫെലിസ ലൈബിക ഓർണറ്റ) ഇവയ്ക്കെല്ലാം ഇത്തരത്തിലുള്ള തോൽക്കുറിയും , നിറവും സമാനമായി കാണപ്പെടുന്നുണ്ട്. റ്റാബി വളർത്തുമൃഗങ്ങളെക്കുറിച്ചുള്ള ഒരു ജനിതക പഠനത്തിൽ കുറഞ്ഞത് അഞ്ച് പൂർവ്വികരെയെങ്കിലും കണ്ടെത്തിയിട്ടുണ്ട്.[1][2]