Квантуны Арми
From Wikipedia, the free encyclopedia
Квантуны арми (Япон: 関東軍, かんとうぐん, Кантоо-гүн) нь Дорныг хамаарах арми гэсэн утгатай бөгөөд хуучин Японы эзэнт гүрний хуурай замын цэргийн Зүүн Ази дахь томоохон цэргийн бүлэглэлүүдийн нэг юм. Анх 1919 онд бүрэлдэн байгуулагдсан байна. Тоожоо Хидэкигийн удирдлага дор Квантуны армии 1938 онд 200 мянган цэрэгтэй байсан бол 1940 он гэхэд 300 мянга болж өссөн байна.
Квантуны Арми | |
---|---|
Шинжинь дахь Квантуны армийн жанжин штаб (1935). | |
Идэвхтэй | 1906 оны дөрөвдүгээр сар-1945 оны наймдугаар сар хүртэл |
Улс | Япон Японы эзэнт гүрэн |
Зэвсэгт хүчин | Япон Японы эзэн хааны хуурай замын цэрэг |
Цэргийн төрөл | Явган цэрэг |
Төрөл | Хуурай замын цэргийн бүлэг |
Хүч | 1906: 10.000 1941: 700.000 1945: 600.000 |
Байрласан газар | Шинжинь, Манжуур |
Тулалдаан | Хятад-Японы хоёрдугаар дайн Халхын голын дайн Дэлхийн хоёрдугаар дайн |
Дэлхийн II дайны үед Японы нийт Зэвсэгт хүчин 7 сая албан хаагчийн бүрэлдэхүүнтэй байснаас хуурай замын цэрэгт 5 сая нь ногдож байсан байна. Үүнээс Өвөр Монгол, Манжуур, Зүүн хойд Хятад, Солонгост 1,5 сая цэргийн албан хаагч байрлаж байсан нь энэхүү нэгтгэл орж байсан юм. Манжуурын өмнөд төмөр зам болон Шандонгийн хойгт харуул хамгаалалт хийх нэрийдлээр цэргийн нэгтгэлүүдийг байгуулсан нь:
1-т ирээдүйд Төвөд, дорнод Туркестан, Монгол, ЗХУ-ын Сибирь, Өвөр байгаль, Алс дорнодод халдах,
2-т Төв болон зүүн, зүүн өмнөд Хятадад явуулж буй байлдааны ажиллагааны түшиц газар, хуурай замын цэргийн ар талын бэлтгэл-нөөцийн бүрэлдэхүүн болж байсан,
3-т тус бүс нутаг нь нүүрс, нефть, байгалийн хий, төмрийн хүдэр зэрэг Японд нэн хэрэгцээтэй байгалийн баялаг, түүхий эдээр элбэг бөгөөд тэрхүү баялгийг эзэмшихэд тус бүс нутгийг бүрэн хяналтдаа оруулан байр сууриа баталгаажуулах,
4-т ирээдүйд Дэлхийн хоёрдугаар дайнаас өмнө болон дайны үед АНУ, Их Британи болон тэдний холбоотнуудтай өргөн хэмжээний байлдааны ажиллагаа явуулахад Японоос Эзэн хааны гэр бүлийнхэн болон Армийн Дээд Командлалын хийгээд Засгийн газрын бүрэлдэхүүнийг нийслэл Токиогоос нүүлгэн шилжүүлж ирүүлэх стратегийн зорилготой байсан ажээ.
Жанжин штабын байр нь Лушуньд байрлаж байсан бөгөөд 1931 оны Мүгдэний интервенцээс хойш Манжуурын нийслэл Шинжинь (одоогийн Чанчунь)-д байрлах болсон. Стратегийн зорилгоо хэрэгжүүлэх далимаар нь Монголын Халх голын дайнд ялагдсан хонзонгоо авахаар ЗХУ-д Нацист Герман халдан довтолсон цагаас дахин Зөвлөлт, Монголын хил дээр цэргийн хүч хуримтлуулж илүү няхуур Кантокүэн хэмээх цэргийн шинэ ажиллагаанд бэлтгэж төлөвлөн, зөвхөн Токиогоос ирэх дээд командлалынхаа тушаалыг хүлээж байсан байна. Үүнд Япон улсын өөрийн ба ЗХУ-ын НКВД-ийн Алс Дорнодын Сөрөг Тагнуулын Архив, Монгол Улсын ТЕГ-ын Архивын материал, хилийн чанадад тагнуулын үүрэг гүйцэтгэгч нарын мэдүүлэг зэрэг нь одоо нэгэнт ил болж эхэлжээ. Тухайлбал Өрнөд Манжуурын 1 дүгээр фронт, Дорнод Манжуурын 3 дугаар фронт, Солонгосын 17 дугаар фронт гэсэн 3 цэргийн тойрогт хуваагдаж зөвхөн Токиогоос ирэх Эзэн хааны Жанжин Штабын тушаалыг хүлээж байсан байв (энэ нь Зөвлөлт-Германы Москвагийн хамгаалалт, Ленинградын бүслэлт, Сталинградын тулалдааны хувь заяа хаашаа эргэх эсэх зэрэг фронтын нөхцөл байдлыг харгалзаж байлаа). Квантун хэмээх нэрийн гарал нь хариуцан хамгаалж байсан газрынхаа нэрнээс үүсэлтэй. Токиогоос огт хамааралгүй мэт байсан мэтээр одоогийн улс төрч, сэтгүүлчид эндүүрэх явдал нь 1939 оны Ерөнхий командалд захирагддаггүй шууд Эзэн хааны жанжин штабт захирагддаг байсныг нь мэддэггүйтэй холбоотой юм. Энэ нь сайнаар хэлбэл цэрэг дайны үйл ажиллагаан дахь хүнд суртал олон шат дамжлагыг арилган үр дүн тухайн шатанд харагдаж л байвал хэрэгжүүл гэсэн үзэл баримтлалын нэг илрэл юм (Япон улсын зүгээс энэ нь тухайн үеийн цэргийнхний үйлдэж байсан харгислалыг зөвтгөх, хариуцлагаас мултрахын тулд үүнийг бамбай болгон ашигладгийг анхаарвал зохино). Юутай ч энэхүү армийн хэрэгжүүлж байсан үйл ажиллагаа Японы эзэнт гүрнийг Дэлхийн хоёрдугаар дайнд ялагдахад их түлхэц болсон. Тэдний Солонгосын хойг, БНХАУ-д явуулсан харгислал нь одоо үед ч гэсэн БНХАУ, БНСУ-аас Япон улсыг дарамтлах хамгийн том шалтаг шалтгаан болж байна. Мөн Квантуны армийн командлалд байсан анги нэгтгэлүүдийг Ази номхон далайн фронтын Бирм, Филлипин, Индонез болон баруун, төв ба зүүн Хятадад байлдаж байсан бусад хуурай замын цэргийн командлалуудын мэдэлд болон дээрх фронтын хэсгүүдээс анги нэгтгэлүүдийг Квантуны командлалын мэдэлд сэлгэн шилжүүлж байсан нь Токиогоос огт хамааралгүй, зөвхөн армийн командал нь дур зоргоор шилжүүлж аливаа үйл ажиллагаа явуулж байсан гэх мэтгэх явдлыг няцаасан факт болж байгаа билээ.