Stória de la África
From Wikipedia, the free encyclopedia
La África ye l território terrestre habitado hai más tiempo, i supone-se que fui neste cuntinente que la spece houmana surgiu a partir de subspeces proto-negróides(nun cunfundir cun ls negróides atuales, fruitos de cumplexas heibridizaçones cun outras subspeces ouriundas de la Ourásia; fuora ls de la África Oucidental, que se bioperserbórun melhor), ambora la teorie multi-regional (outra heipótese para splicar la ourige de l home) reúna l stremo sudoeste de la Ásia i l stremo nordeste de la África cumo ua solo antidade morfológica. Ls más antigos fósseles de hominídeos ancuntrados na África(Tanzánia i Quénia) ténen cerca de cinco milhones de anhos.
L Eigito fui probablemente l purmeiro stado a custituir-se na África, hai cerca de 5000 anhos, mas muitos outros reinos ó cidades-stados se fúrun sucedendo neste cuntinente, al lhargo de ls seclos. Para para alhá desso, la África fui, zde la antiguidade, percurada por pobos doutros cuntinentes, que buscában las sues riquezas, por bezes acupando partes de l “Cuntinente Negro” por anchos períodos. La strutura atual de África, inda assi, ye mui recente – meados de l seclo XX – i resultou de la quelonizaçon ouropeia.