کیت وینسلت
From Wikipedia, the free encyclopedia
کِیت الیزابت وینسْلِت (انگلیسی جه: Kate Elizabeth Winslet؛ دنیا بمو ۵ اکتبر ۱۹۷۵) اتا انگلستانی بازیگر هسته.[12][13] وه ره ویشته تایتانیک فیلم وسه اشناسنّه که اونجه رُز نقش ره داشته.[14] وه چار بار گولدن گلوب جایزه و اتکَش اوسکار جایزه ره بیته.
کیت وینسلت
|
ونه اولین نقش جولیت هولم بییه که پیتر جکسونِ هیونلی کریترز (۱۹۹۴، بهشتی موجودات) فیلم دله بییه.[14]
کیت اتا خانواده دله دنیا بمو که چارتا وچه بینه و وه دوّمی بییه. ونه دِتا خاخِرون، آنا و بث، و ونه برار، جوس نوم دارنه. ونه مار (سالی آنه) ساقی بییه و مشروب روته.ونه پییر راجر جان هم مردم وسّه استخر ساته. ونه مار وَری گتببا و گتننا تیاتر دله فعالیت داشتنه و ونه عامی (رابرت بریجز) بازیگر بییه. ونه اتا رگ سوئدی هسته.
وه اولین کَش اتا کارگردان، جیم تریپلتون نوم، جه ازدواج هاکرده و اتا کیجا ونجه دارنه که ونه نوم «میا» هسته.[15] وه سام مندس جه هم ازدواج هاکرده و ونجه اتا ریکا دارنه که ونه نوم «جویی» هسته.[15] سال ۲۰۱۲ هم ند راکندرول زنا بیّه و وشون اولین وچه ۲۰۱۳ سالدنیا بمو.[15]