कार्ल बेन्ज
जर्मन इञ्जिन डिजाइनर व अटोमोबाइल इञ्जिनियर / From Wikipedia, the free encyclopedia
थ्व पौयात उल्था याये ल्यं दनि
कार्ल फ्रायडरिच बेन्ज (नोभेम्बर २६ ई सं १८४४ – अप्रिल ४ ई सं १९२९) छम्ह जर्मन इञ्जिन डिजाइनर व अटोमोबाइल इञ्जिनियर ख। वय्कःयात ग्यासोलिनं सनिगु अटोमोबाइलया आविष्कारक धका म्हसीकिगु या।
सन् १८८५स बेञ्जं हलिंया दकलय् न्हापांगु कमर्सियल अतोमोबाइल "मोतरव्यागन" (Motorwagen) दयेकादील। थ्व गसाः इन्तर्नल कम्बस्चन इञ्जिन छ्येला सनिगु या। थ्व गसालय् स्वचाः घःचाः दयाच्वन। न्ह्यःनेया घःचालं निर्देश याइगु व गःसालय् गइपिं यात्रु व इञ्जिनयात ल्युनेया निचाः घःचाया च्वे तयाः दयेकूगु थ्व मोदेलयात त्राइ-कार (Tri-Car) धका नं म्हसीकिगु या। बेञ्जजुं दयेकादीगु कारया मेमेगु कुचालय् कार्बोरेतर, एसेलेरेतर, ब्यात्रिया स्पार्कं सनिगु इग्निसन व्यवस्था, स्पार्क प्लग, क्लच, गियर शिफ्त, व लः छ्येलीगु रेदियतर आदि ला।
सन् १८९६स कार्ल बेञ्जं हलिंया दकलय् न्हापांगु इन्तर्नल कम्बस्चन "बक्सर इञ्जिन"या दिजाइन व प्यातेन्त यानादिल। थ्व इञ्जिनस अःखलं दूगु पिस्तन दयाच्वन। थ्व दिजाइन सिद्धान्त आःया इलय् तक मोतरकासाय् ब्वति काइगु तःच्वलं ब्वाकीगु इञ्जिनय् छ्येलीगु या।
भाजु बेञ्जं बेञ्ज कम्पनि पलिस्था यानादिल। थ्व कम्पनिं लिपा दायम्लर बेञ्ज, मर्सिदिल बेञ्ज व दायम्लर क्राइस्लर कम्पनि बुयावल। मदयेस्वया न्ह्यः वय्कलं, वय्कःया आविष्कारय् आधारित सन् १९२०या दशकया अतोमोबाइलया क्रान्ति खनादिल।