Río Negro
From Wikipedia, the free encyclopedia
Rio Negro (portugisisk: Rio Negro [ˈʁi.u neɡɾu]; spansk: Río Negro [ˈri.o ˈneɣɾo]), òg kjent som Guainíaelva i Colombia, er den største nordlege sideelva til Amazonaselva og bidreg med ca. 14 % av vassmengda i Amazonasbassenget.[1] Ho er den største svartvasselva i verda og ei av dei ti største elvene i verda målt i gjennomsnittleg vassføring.[2]
Rio Negro | |||
elv | |||
Land | Brasil | ||
---|---|---|---|
Sideelvar | Branco frå nord, Vaupés frå vest | ||
Lengd | 2 250 km | ||
Kjelde | Vaupés: Vest for byen Calamar, Colombia og Guainía-elva i Guainía-departementet | ||
Munning | Amazonaselva | ||
- høgd | 30,5 moh. | ||
Río Negro 2.0013888888889°N 67.116388888889°W / 2.0013888888889; -67.116388888889 | |||
Wikimedia Commons: Negro River (tributary of the Amazon) | |||
Elva er knytt til elvesystemet Orinoco via Casiquiare-kanalen, ein såkalla bifurkasjon. Río Negro dannar grensa mellom Colombia og Venezuela før ho renn inn i den brasilianske delstaten Amazonas. På grensa til delstaten Roraima sluttar den største sideelva Branco seg til Negro. Få kilometer nedanfor Manaus møter Negro hovudlaupet til Amazonas. I alt er Río Negro 2250 kilometer lang målt frå utspringet til Guainíaelva og ned til munninga.[3]
Ho har namn etter det klåre, svarte vatnet. Fargetonen liknar svart te og farga kjem av tannin frå nedbryting av organisk materiale i skogkledd våtmark, og dessutan lågt innhald av elveslam, silt.[3]