Còsta Rica
From Wikipedia, the free encyclopedia
La Còsta Rica es un estat d'America Centrala, limitat al nòrd per Nicaragua, a l'èst per la mar Cariba, al sud per Panamà e a l'oèst per l'Ocean Pacific. Aquel isclet europèu dins l'America indiana o mulatra foguèt longtemps un modèl democratic per la region.
Còsta Rica | |
República de Costa Rica | |
Administracion | |
---|---|
Capitala | San José |
President | Carlos Alvarado |
Geografia | |
Vila principala | San José |
Superfícia | Classat 129en |
• Totala | 51 100 km² |
• Aiga (%) | 0,7 % % |
Punt culminant | Cerro Chirripó (ca) |
Demografia | |
Populacion | Classat 120en |
• Totala | 5 111 238 ab. (2020) |
Autras informacions | |
ISO 3166 | CR |
Domeni internet | .cr |
Lo gentilici es còstarican -a o còstariquenc -a.
Lo territòri còstariquenc foguèt ocupat pels amerindians tre la Preistòria abans d'èsser "descobèrt" per Cristòl Colomb en 1502. Colonizat pels espanhòls entre los sègles XVIen e XIXen, Còsta Rica obtenguèt l'independéncia en 1821. Dempuèi lo 1èr de decembre de 1948, Còsta Rica es un país neutre e venguèt la primièra nacion del monde d'aver constitucionalament suprimit son armada. Lo país se distinguís en America centrala per son modèl de desvolopament que dona la prioritat a l'educacion, a la santat e a la proteccion de l'environament. Es dempuèi 2009 classat a la primièra plaça mondiala del Happy Planet Index e èra en 2012 a la cinquena place de l'indici de performáncia environamentala gràcia a sa politica activa de desvolopament de las energias renovelablas (mai que mai idrolica, mas tanben eoliana e geotermica, que produson dempuèi 2015 gaireben la totalitat de son electricitat e de proteccion de las ressorsas naturalas (reforestacions, moratòri per enebir l'expleitacion petrolièra pendent tres ans en 2011).