Pulonie
From Wikipedia, the free encyclopedia
'A Pulonie, ufficialmènde Repubbleche de Pulonie (jndr'ô pulacche Rzeczpospolita Polska) jè 'nu state membre de ll'Aunìone Europèe e acchiate jndr'à ll'Europe cendre-oriendale. Tène 'na popolazzione de 38.422.346 crestiáne e 'na grannèzze de 312.679 km². 'A capitale jè Varsavie.
Repubbleche de Pulonie | |
---|---|
Date amministrative | |
Nome comblete | Repubbleche de Pulonie |
Nome ufficiale | Rzeczpospolita Polska |
Lènghe ufficiale | pulacche język polski |
Capitale | Varsavie (1 724 404 ab. / 2013) |
Politiche | |
Forme de governe | Repubbleche Parlamendare |
Presidende | Andrzej Duda |
Prime Ministre | Donald Tusk |
'Ndipendenze | 11 novèmmre 1918 da ll'Austrie, Russie e Germanie |
Trasute jndr'à l'ONU | 24 ottommre 1945 3 |
Trasute jndr'à l'UE | 1º másce 2004 |
Superficie | |
Totale | 312.679 km² (70º) |
% de le acque | 2,6% |
Popolazzione | |
Totale | 38 422 346 ab. (2017) (34º) |
Denzetà | 123 ab./km² |
Sciugrafije | |
Continende | Europe |
Fuse orarie | UTC+1 UTC+2 jndr'à ore legale |
Economie | |
Valute | Złoty |
PIL (nominale) | 666,052 milione de $ (2008) (21º) |
PIL pro capite (nominale) | 15,536 $ (2008) (51º) |
ISU (2007) | 0,880 (alto) (41º) |
Consume energetiche | 0,35 kWh/jav. anne |
Varie | |
Codece ISO 3166 | PL, POL, 616 |
TLD | .pl, .eu |
Prefisse tel. | +48 |
Sigle autom. | PL |
Late de guide | Destre (↓↑) |
Inne nazionale | Mazurek Dąbrowskiego |
Feste nazionale | 3 másce e 11 novèmmre |
1 Vide pure Motte non ufficiale d'a Pulonie. 2 Bielorusse, Casciube, Tedesche e Ucraine sonde parlate re cinghe voivodate. Non ge sonde, comungue, conziderate lènghe ufficiali. 3 jè une de le 51 State membre ca jndr'ô 1945 honne date vite a ll'ONU. | |
Confine a ovest cu 'a Germanie, a sud cu 'a Repubbleche Ceche ed 'a Slovacchie, ad est cu l'Ucraine ed 'a Russie Vianghe, a nordest cu 'a Lituanie e l'exclave russe de Kaliningrad e a nord jè vagnate da 'u Mar Baltiche.
'A Pulonie jè 'na repubbleche parlamendare; 'u presidende d' repubbleche de ôsce a die jè Andrzej Duda, mendre 'u prime ministre (2023) jè Donald Tusk.
Ô state pulacche tène 'na storie longhe cchiù de 'nu millennie; jndr'ô XVI sèchele, sutte 'a dinastie Jagellone, jève une de le cchiù ricche e potende pajèsere d'Europe. 'U 3 másce 1791, 'a Confederaziune Pulacche-Lituane ha definite 'a Costituziune Pulacche de Másce, 'a prime costituziune scritte d'Europe. Picche cchiù nnande, 'a Pulonie non g'ète cchiù esistite pe' 123 anne, pe' 'a raggione ca jè state scucchiáte 'mbrà Russie, Austrie e Prussie. Le 'ndependenze ha state pigghate arrète jndr'ô 1918, nnande ad 'a Prime uerre mondiale, cumme Seconne Repubbleche Pulacche. Dope 'a Seconne uerre mondiale, hé devendate 'nu state satellite de ll'Aunìone Sovieteche, canosciute cumme Repubbleche Populare Pulacche (Polska Rzeczpospolita Ludowa o PRL). Jndr'ô 1989, le prime eleziune parzialmènde franghe dope 'a Seconne uerre mondiale, se sonde congluse cu 'u movimènde pe' 'a franghezze ca vinse condre 'u partite comuniste. Jndr'ô 1999 'a Pulonie jè state ammesse ad 'a NATO. 'A trasùte jndrà ll'Aunìone europèe jè avvenute 'u 1º másce 2004.