Piyrszŏ wojna światowŏ
wojna 1914–1918, co ôbyjmowała bezma cołkõ Ojropã, Azyjõ, Afrykã a ôceany / From Wikipedia, the free encyclopedia
Piyrszŏ wojna światowŏ to bōła wojna światowŏ, co trwoła ôd 28 lipnia 1914 do 11 listopada 1918. Ôbyjmowała zasiyngym działań wojynnych bezma cołkõ Ojropã, Azyjõ, Afrykã a wszyjske ôceany. Zajtami wojaczki bōły: yntynta (Trōjugoda), to je Brytyjske Imperyjum, Francuskŏ Republika, Ruske Imperyjum, Krōlestwo Syrbije, Cysŏrstwo Japōnije, Krōlestwo Italije (ôd 1915) i Zjednoczōne Sztaty (ôd 1917), a cyntralne moce (Trōjsztama), to je Austro-Madziary i Niymiecke Cysŏrstwo, ze sparciym ôd Ôsmańskigo Imperyjum a Carstwa Bułgaryje.
Ślabikŏrzowe abecadło Tyn artikel je narychtowany we ślabikŏrzowym zŏpisie ślōnskij gŏdki. Coby sie przewiedzieć wiyncyj, wejzdrzij do artikla ô nim. |
Piyrszŏ wojna światowŏ | |
Piyrszŏ wojna światowŏ | |
Czas | ôd 28 lipnia 1914 do 11 listopada 1918 |
Plac | Ojropa, Afryka i Azyjŏ, Atlantycki Ôcean, Pokojny Ôcean, Indyjski Ôcean |
Wynik | zwyciynstwo Yntynty |
Zajty boju | |
---|---|
Yntynta: |
Cyntralne moce: |
Kōmandyry | |
Raymond Poincaré |
|
Siyły | |
Cuzamyn: 42,928,000 |
Cuzamyn: 25,248,000 |
Straty | |
Zabitych wojŏkōw: 5,525,000 |
Zabitych wojŏkōw: 4,386,000 |
Galeryjŏ we Wikimedia Commons | |
Bōł to nojsrogszy kōnflikt zbrojny we Ojropie ôd czasu napoleōńskich wojyn, skirz czego bōł ôn mianowany Wielgōm Wojnōm przed drugōm wojnōm światowōm. Wojnã zwyciynżyły krŏje yntynty. Umarło w nij bez 14 milijōnōw ludzi. Wyznaczyła symboliczny kōniec 19. stoleciŏ jak tyż kōniec hegymōnije ojropejskij na świecie. Ôd ônyj abszlusu corŏz srogszõ rolã we miyndzynacyjnych relacyjach zaczły ôdegrŏwać Zjednoczōne Sztaty i utworzōny we 1922 roku Sojusz Socjalistycznych Sowieckich Republik.